Përfitimet dhe rreziqet e inteligjencës artificiale – Mund të rrisë produktivitetin dhe zhvillimin e ardhshëm

Inteligjenca artificiale nuk ka të ardhme të paracaktuar. Rruga e parë që mund të zgjidhet ka të bëjë me rritjen e produktivitetit dhe të ardhmen e zhvillimit. Pjesa më e madhe e ekonomive të përparuara kanë të njëjtin problem të rritjes së ulët të produktivitetit. Me produktivitet më të lartë, deficitet buxhetore, reduktimi i varfërisë, kujdesi shëndetësor dhe mjedisi bëhen më të menaxhueshme.

Megjithatë, pavarësisht përmirësimit të shpejtë të aftësive teknike të inteligjencës artificiale, miratimi i saj nga bizneset mund të vazhdojë të jetë i ngadalshëm dhe i kufizuar në shtrirje. Ashtu si me shembujt shumë të fundit – printera 3D, makina vetë-drejtuese, realiteti virtual – IA mund të rezultojë të jetë më pak premtuese ose më pak e gatshme për treg sesa ishte parashikuar në fillim.

Në skenarin alternativ, IA çon në një të ardhme me produktivitet/rritje më të lartë, sepse mund të aplikohet në një pjesë të konsiderueshme të detyrave të kryera nga shumica e punëtorëve. Ajo plotëson punëtorët, duke i çliruar ata nga detyrat e përsëritura, jokreative dhe i jep më shumë kohë të lirë. Si rezultat, më shumë punëtorë mund t’i kushtojnë më shumë kohë problemeve të reja dhe një pjesë në rritje e fuqisë punëtore i ngjan gjithnjë e më shumë një shoqërie shkencëtarësh dhe inovatorësh kërkimorë.

Një tjetër rrugë për të ardhmen ka të bëjë me pabarazinë e të ardhurave, e cila është zgjeruar midis punëtorëve individualë gjatë 40 viteve të fundit dhe, siç tregojnë studime të ndryshme, kompjuterët dhe forma të tjera të teknologjisë së informacionit mund të kenë kontribuar në ‘të. Në skenarin e parë, IA përkeqëson pabarazinë e të ardhurave. Drejtuesit dhe menaxherët e teknologjisë po aplikojnë inteligjencën artificiale për të zëvendësuar në çast shumë lloje të punës njerëzore, duke ulur pagat.

Akoma më keq, IA gjenetike ka filluar të prodhojë fjalë, imazhe dhe tinguj, detyra që dikur konsideroheshin krijuese. Numri i vendeve të punës në rrezik po rritet ndjeshëm. Në skenarin e dytë, më në fund, IA çon në pabarazi më të ulët të të ardhurave, sepse ndikimi kryesor është të ndihmojë punëtorët me më pak përvojë ose më pak të aftë të jenë më të mirë në punët e tyre.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.