Sensorë për alkoolin në automjete – SHBA i jep fund drejtimit në gjendje të dehur

A do të përfundojë rreziku i drejtimit të mjetit në gjendje të dehur ose nën ndikimin e drogës në Shtetet e Bashkuara? Një agjenci federale që merret me sigurinë rrugore ka njoftuar nisjen e një procesi të mbledhjes së të dhënave që duhet të çojë në detyrimin në të ardhmen për prodhuesit e automjeteve për të përfshirë teknologjinë e re në automjete, të dizajnuara për të parandaluar drejtimin në gjendje të dehur ose nën ndikimin e drogave psikotrope dhe narkotikëve.

Administrata Kombëtare e Sigurisë së Trafikut në Autostrada u ka kërkuar zyrtarisht amerikanëve që të paraqesin projekte dhe aplikacione të afta për të kapur të dehurit në kohë. Apeli u drejtohet të gjithë prodhuesve, por indikacionet ose këshillat janë gjithashtu të mirëpritura.

Çdo vit në Shtetet e Bashkuara ndodhin dhjetë mijë aksidente rrugore, të shkaktuara shpesh nga shoferë me nivel të alkoolit në gjak më të lartë se niveli i lejuar ose për shkak se janë nën ndikimin e drogave psikotrope. Në vitin 2021, pati 13.384 vdekje për shkak të aksidenteve të lidhura me alkoolin. Ndër teknologjitë tashmë në qarkullim dhe që mund të gjejnë aplikim në sektorin e automobilave, janë sensorët e gjeneratës së fundit të aftë për të regjistruar praninë e alkoolit në dhomëzën e pasagjerëve dhe përdorimi i mikro monitorëve që analizojnë lëvizjen e shoferit.

Në rast pozitiviteti, motori nuk do të mund të ndizet. Në disa vendime gjyqësore në të cilat i akuzuari u konstatua duke drejtuar mjetin nën ndikimin e alkoolit ose drogës, u vendos detyrimi për të vendosur monitorë ose matës sigurie në automjet që mund të regjistrojnë nivelin e alkoolit duke analizuar thjesht frymëmarrjen.

Qëllimi është të arrihet në një sistem që do të aplikohet në nivel kombëtar. Në vitet 1970, Kongresi i detyroi prodhuesit e automjeteve të krijonin një sistem që kërkonte nga shoferët të lidhnin rripat e sigurimit. Nëse jo, motori nuk do të ndizej. Më pas masa u tërhoq. Ky precedent është i rëndësishëm, sepse edhe pse aksidentet rrugore janë një emergjencë kombëtare, jo të gjithë janë dakord. Nëse sistemi është 99.9 për qind i besueshëm – shpjegoi për Reuters Ann Carlson, kreu i agjencisë federale të sigurisë – mund të ketë një milion false pozitive.

Dhe midis atyre pozitive false mund të jetë dikush që përpiqet të çojë veten në spital për një urgjencë. Do të nevojitet teknologji njëqind për qind e besueshme. Kjo është ajo që studiuesit duan të arrijnë me projektuesit. Më pas, nëse procesi vazhdon siç pritet, prodhuesit e makinave do të kenë tre vjet kohë për të pajisur automjetet e reja me sensorë dhe detektorë.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.