Shtetet e Bashkuara rrisin me 15% koston e vizave turistike dhe të biznesit!

Shtetet e Bashkuara i kanë bërë vizat për turistët apo udhëtarët e biznesit 15% më të shtrenjta duke i rritur ato nga 160 në 185 dollarë (169 euro), njoftoi qeveria në një deklaratë.

Për më tepër, tarifa për disa viza jo-emigruese bazuar në peticionet për punëtorët e përkohshëm do të rritet nga 190 dollarë në 205 dollarë (188 euro), dhe tarifa për tregtarët, investitorët dhe aplikantët e bazuar në traktat në një profesion specialiteti (kategoria E) do të rritet nga 205 dollarë në 315 dollarë (289 euro).

Qeveria e SHBA ka justifikuar se rritja e tarifave të vizave trajton kostot në rritje të ofrimit të shërbimeve konsullore, duke përfshirë shërbimet e vizave.

“Vizat e punës dhe ato turistike janë thelbësore për politikën e jashtme të Presidentit Joe Biden dhe ne e njohim rolin kritik që luajnë udhëtimet ndërkombëtare në ekonominë e SHBA-së”, theksoi Departamenti i Shtetit.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.