“Super-kamera”, sensorë, lexues targash e sisteme “hi tech” në akset kryesore të Shqipërisë. Projekti për Qendrën e Monitorimit të Trafikut
Shqipëria po bëhet gati të aplikojë një sistem inteligjent të monitorimit të trafikut rrugor. Sistemi parashikon vendosjen e kamerave dhe sensorëve të teknologjisë së fundit dhe të një serë pajisjes të tjera teknologjike, në akset më të frekuentuara të vendit, duke përfshirë Tiranën, Durrësin, Kavajën, Elbasanin, Fierin, Vlorën etj.
Autoriteti Rrugor Shqiptar ka shpallur tenderin për fazën e parë të Qendrës së Monitorimit të Trafikut që përfshin një distancë 200 kilometra.
Fondi limit është rreth 2.3 miliardë lekë. Prioritet për vendosjen fillestare të Sistemeve Inteligjente të Transportit do t’u jepet nën-sektorëve Rrugë dhe Porte/Transport Detar.
Në relacionin e tenderit të projektit evidentohet se krahas përmirësimit të vazhdueshëm fizik të infrastrukturës së transportit, Qeveria dëshiron të hartojë dhe zbatojë Sistemet Inteligjente të Transportit dhe për këtë arsye, është hartuar një Strategji Kombëtare për vendosjen e sistemeve inteligjente të transportit. Zbatimi i kësaj strategjie duhet të ndihmojë që korridoret kryesore të transportit të Shqipërisë të bëhen pjesë e një sistemi të sigurt, të integruar dhe multimodal të transportit ndër-evropian.
Objektivat kryesore të Shqipërisë që duhen ndjekur nëpërmjet sistemit inteligjent të transportit janë Përmirësimi i sigurisë në trafik dhe zvogëlimi i gjasave për aksidente, përmirësimi i flukseve dhe lëvizshmërisë së trafikut dhe reduktimi i bllokimeve të trafikut.
Projekti parashikon një qendër kontrolli, që zotëron personelin operacional të përfshirë për sigurinë rrugore, trafikun dhe menaxhimin e zbatimit, si dhe aplikacionet e nevojshme qendrore Hardëare dhe Softëare për menaxhimin e të gjitha pajisjeve të stacionit. Në funksion të këtij projekti parashikohet që në akset kryesore të vendit të instalohen kamera, sensorë zbulimi trafiku, stacione moti, transmetues me fuqi të ulët, kamera për lexime targash, matës peshe, matës të cilësisë së ajrit etj.
Në funksion të këtij projekti është hapur edhe një tender për ndërtimin e godinës ku do të vendoset sistemi.
Fondi limit është 205 milionë lekë dhe parashikon ndërtimin e godinës së re në zonën e Kamzës. Në fazën e parë të projektit, për 200 kilometra parashikohet një staf prej 158 personash.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.