Banka Kombëtare Saudite humbet mbi 1 miliard dollarë nga investimi në Credit Suisse!

Banka Kombëtare e Arabisë Saudite po përballet me humbje të mëdha pas dështimit të Credit Suisse, pas marrëveshjes së UBS për të blerë huadhënësin me probleme për 3.2 miliardë dollarë.

Aksioneri më i madh i Credit Suisse, Banka Kombëtare Saudite konfirmoi të hënën se kishte pësuar një humbje prej rreth 80% në investimin e saj.

Banka me bazë në Riad mban afërsisht 10% të aksioneve në Credit Suisse, pasi ka investuar 1.4 miliardë franga zvicerane (1.5 miliardë dollarë) në huadhënësin zviceran në nëntor të vitit të kaluar, me 3.82 franga zvicerane për aksion.

Sipas kushteve të marrëveshjes së shpëtimit, UBS po u paguan aksionarëve të Credit Suisse 0,76 franga zvicerane për aksion.

Zbritja e konsiderueshme vjen ndërsa rregullatorët përpiqen të mbështesin sistemin bankar global. Përpjekja për një shpëtim pason disa javë të trazuara që panë kolapset e Silicon Valley Bank me bazë në SHBA dhe bankën First Republic, si dhe rënie të mëdha të çmimeve të aksioneve në të gjithë sektorin bankar globalisht.

Aksionet e UBS, banka më e madhe e Zvicrës, u tregtuan me 11% në orën 8:55 të mëngjesit, ndërsa sektori bankar i Europës ishte rreth 2.8% më i ulët.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.