Frenon inflacioni në Itali – Punësimi në vend rritet më shumë se PBB

Prodhimi i Brendshëm Bruto në Itali pritet të rritet sërish me ritme të qëndrueshme në vitin 2022 – me +3.9% – për t’u ngadalësuar në mënyrë domethënësve në vitin 2023. Rritja e PBB-së do të ndodhë si pasojë e kontributit të kërkesës së brendshëm ndërsa kërkesa e jashtme do të ketë pasoja negative si për vitin 2022 njësoj dhe për vitin 2023. Investimet pritet të përfaqësojnë elementet e tkurrjes së ekonomisë italiane në viitn 2022 me + 10% dhe me 2% në vitin 2023. Në muajin qershor sipas Istat pritshmëritë ishin për +2.8% për vitin 2022 dhe për vitin 2023: +1,9%.

Fitch ka rivlerësuar perspektivat për Italinë dhe tashmë pritet vetëm një -0.1% e PBB-së në vitin 2023. Analistët këmbëngulin në parashikimet e tyre për nujë kontraktim duke filluar që nga tremujori i katërt të mbështetur në pasojat e ekspozimit ndj rritjes së çmimit të gazit, por dhe rritjes së përgjithshme të çmimeve. Ndërkohë që është reduktuar dhe pritshmëria për tkurrje në vitin 2023 nga – 0.6% në -01% për shkak të një kontributi më të mirë në tremujorin e katërt dhe për një lehtësim të krizës së gazit.

Këtë vit dhe atë të ardhshmin punësimi, i matur në termat e njësisë së punës, do të shënojë një rritje më të madhe se ajo e PBB-së. Rritja do të jetë më e theksuar në vitin 2022 : +4.3% në krahasim me vitin 2023 me +0.5%. të dhënat rezultojnë nga raporti i Istat për perspektivat e ekonomisë italiane në periudhën 2022 – 2023. Përmirësimi i punësimit do të shoqërohet nga ai i nivelit të papunësisë që do të ulet në mënyrë të ndjeshme këtë vit – 8.1%, për të shënuar një ritje të lehtë në vitin 2023: 8.2%.

Inflacioni pritet të ngadalësohet në muajt e ardhshëm, dhe pse koha nuk është e përcaktuar ende. Në mesataren e 2022-shit, norma e ndryshimit të deflatorit të shpenzimeve të familjeve pritet të rritet me +8,2%, ishte +1.6% në 2021- shin;  ndërsa deflatori i PBB-së do të shënojë një rritje të ndjeshme por më të kufizuar prej +3.6%, ishte + 0.5% në 2021-shin. Duke supozuar se presioni rritës mbi çmimet e lëndëve të para do të frenohet në muajt në vijim dhe në pritje të një stabilizimi të naftës dhe kursit të këmbimit, sipas Istat, inflacioni pritet të ngadalësohet pjesërisht vitin e ardhshëm. Instituti i Statistikave sqaron më tej se faza e zgjatur e rritjes së çmimeve, e mbështetur nga rritja e jashtëzakonshme e atyre të mallrave energjetike, pritet të reflektohet në tendencën e deflatorit të shpenzimeve të familjeve rezidente si në vitin aktual +8.2 % dhe , në një masë më të vogël, në vitin 2023 me +5.4%.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.