Nafta zgjeron fitimet, ngjitet pranë 96 dollarë – Mbështetet nga ngadalësimi i inflacionit në SHBA dhe nga dobësimi i dollarit

Nafta i është rikthyer fitimeve në sesionin e fundit të javës, për shkak se janë zbehur mundësitë për recesion në SHBA dhe për shkak të dobësimit të dollarit amerikan. Megjithatë, gjatë kësaj jave pritet të realizojë humbje prej rreth 4%, kryesisht për shkak të rritjes së infektimeve me Covid-10 në Kinë.

Nafta Brent e Londrës po tregtohet në rreth 96 dollarë për fuçi, ndërsa nafta Bruto amerikane po tregtohet në rreth 88 dollarë për fuçi. Të dhënat mbi inflacionin në SHBA kanë shtuar mundësitë që Rezerva Federale të ngadalësojnë hapin e rritjes së interesave në takimin e dhjetorit, duke rrëzuar dollarin amerikan.

Një dollar më i dobët e rrit kërkesën për lëndët e para, pasi i bën më të lira për zotëruesit e monedhave të tjera. Analistët shprehet se fitimet janë kufizuar nga rritja e infektimeve me Covid-19 në Kinë, që vijon të përbëjë një rrezik për kërkesën në ekonominë e dytë më të madhe në botë.

Autoritetet kineze vijojnë të ndjekin politikën zero Covid dhe sapo evidentohen raste të reja, provinca të tëra vendosen në karantinë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.