Zgjedhjet në Serbi, Vuçiç forcon pushtetin e tij – Opozita akuzon mazhorancën për manipulime

Sipas të dhënave zyrtare, zgjedhjet e parakohshme parlamentare në Serbi kanë përfunduar me një fitore të bindshme të partisë së Aleksandar Vuçiçit, Partia Progresive Serbe, SNS e cila ka dalë forca kryesore politike në vend. SNS merr 128 vende nga 250 vende në parlament duke arritur kështu shumicën absolute në parlamentin e ri serb. Rezultati i zgjedhjeve të së dielës duhet të krijojë lehtësi për presidentin serb, partia e të cilit shtoi me 2 pikë rezultatin.

Vuçiç foli para përkrahësve të tij për një fitore të qartë, të padiskutueshme dhe bindëse duke shtuar se tani ishte koha që vendi të ecë përpara.

Zgjedhjet u shëniuan dhe nga akuzat e opozitës për manipulime, sipas agjencisë gjermane të lajmeve, DPA. Vuçiç vendosi për zgjedhje të parakohshme parlamentare 17 muaj pas zgjedhjeve të fundit.

Vuçiç prej kohësh ndodhet nën presion edhe për shkak të moszgjidhjes ende të problemit të Kosovës, normalizimi i marrëdhënieve me të cilën është ende larg.

Opozita liberale, e cila krijoi alencën zgjedhore “Serbia kundër dhunës” arriti një rezultat të mirë, duke marrë 24% të votave dhe me 65 mandate renditet forca e dytë në vend. Në të njëjtën kohë u mbajtën dhe zgjedhje vendore por as partia SNS dhe as opozita liberale, SPN nuk kanë shumicën në këshillin bashkiak që zgjedh kryetarin e bashkisë së Beogradit. Rol të rëndësishëm luan partia e populistit të djathtë dhe mjekut, Branimir Nestoroviç, që me 5% të votave hyri në këshillin bashkiak.\

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.